Viti i Ri vjen me plagosje të shumta, 10 të lënduar në Kosovë

Kosovë&Rajon
Viti i Ri vjen me plagosje të shumta, 10 të lënduar në

Dhjetë persona deri tani kanë kërkuar ndihmë në Qendrën Emergjente si pasojë e lëndimeve nga mjetet prioteknike dhe nga “plumbat qorr”.

Kështu ka bërë të ditur mjeku kujdestar në Qendrën Emergjente të QKUK-së, Adem Jaha, i cili tha se një pacient është sjellë në gjendje të rëndë pas goditjes nga plumbi i ashtuquajtur “qorr”.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ndërsa një tjetër është sjellë me dorë të amputuar si pasojë e përdorimit të mjeteve prioteknike.

Ndërsa, ushtruesi i detyrës së drejtorit të ShSKUK-së, Valbon Krasniqi, ka kërkuar nga qytetarët që të festojnë në shtëpitë e tyre dhe të kenë kujdes të shtuar.

“Fatmirësisht mësuam nga ekipet kujdestare që numri i të lënduarve këtë vit është më i vogël krahasuar me vitet e mëhershme. Megjithatë ne do të dëshironim që fare të mos ketë lëndime të tilla. Prandaj edhe njëherë të gjithë qytetarëve të Kosovës urime Viti i Ri, por festoni dhe vazhdoni të qëndroni në familjet tuaja”, tha ai.

ME TE LEXUARAT