Aksident në superstradën Lezhë-Shkodër, përplasen tre makina, një person në gjendje të rëndë

Një aksident ka ndodhur pranë kryqëzimit të Blinishtit në superstradën Lezhë-Shkodër.

Mësohet se janë përplasur tre automjete dhe janë plagosur 2 persona, të cilët janë dërguar në spitalin e Lezhës.

Njëri prej tyre është në gjendje të rëndë për jetën dhe po trajtohet në spital.

Policia ka mbërritur në vendin e ngjarjes dhe ka nisur hetimet për zbardhjen e shkaqeve të këtij aksidenti.