Dalin fotot, këto janë katër anëtarët e familjes shqiptare që u vranë sot

Sonte rreth orës 18:00 në fshatin Pozharan të Vitisë ka ndodhur një vrasje e katërfishtë, ku kryefamiljari dyshohet se fillimisht ka vrarë tre anëtarët e familjes dhe më pas veten.

Familja kishte ardhur nga Zvicra për pushime në Kosovë.Kryefamiljari që dyshohet se vrau familjarët e tij e më pas veten është Fetah Zuka.

Ndërkaq familjarët që u vranë nga Fetahu dyshohet se janë gruaja e tij, Makfire Zuka, dhe dy djemtë e tij, Hamdi dhe Arbër Zuka.

Burime të Gazetës Sinjali nga vendi i ngjarjes bënë të ditur se çifti bashkëshortor ka vite që kanë mosmarrëveshje me njëri-tjetrin.

Këto burime thonë se nga hetimet e para dyshohet se Fetahu ka vrarë fillimisht gruan, pastaj dy djemtë dhe më pas ka dalë në oborr dhe ka qëlluar veten në gojë.