"Ti mu lopë a?", policja godet me grushta vajzën e mitur në mes të rrugës

Kosovë&Rajon
"Ti mu lopë a?", policja godet me grushta vajzën e mitur

Inspektorati Policor i Kosovës ka deklaruar se kanë filluar grumbullimin e informacioneve në lidhje me rastin e polices e cila është parë duke ushtruar dhunë fizike ndaj një vajze që duket të jetë e mitur.

Në një përgjigje për Telegrafin nga Inspektorati Policor i Kosovës kanë thënë se do të ndërmerren të gjitha vendimet tjera në përputhje me misionin ligjor që kanë.

“Inspektorati Policor i Kosovës pas publikimit të videos në fjalë ka filluar të grumbullojë informata lidhur me këtë rast.

Veprimet tjera do të ndërmirren në përputhje me misionin ligjor të IPK-së”, thuhet në përgjigjen e IPK-së.

Nga informacionet e para, u raportua se ngjarja ka ndodhur para një shkolle në Prishtinë.

Dy pjesëtarë të Policisë së Kosovës gjatë ditës së sotme janë parë në afërsi të një shkolle në kryeqytet, ku një police prezente shihet duke e goditur një vajzë e cila sipas pamjes në video duket të jetë e mitur.

Në pamjet që janë bërë virale shihet se polici tjetër vetëm qëndron duke e shikuar kolegen. Nuk dihet se për çfarë arsye janë ndaluar vajzat, e as arsyeja e reagimit të tillë nga ana e pjesëtarëve të Policisë së Kosovës.

Gjithashtu në video shihen edhe kalimtarë të rastit të cilët nuk reagojnë, ndërkaq policja vazhdimisht dëgjohet duke bërtitur, “Ti mu lopë a?”, thotë policja disa herë.

Video

ME TE LEXUARAT