Regjistër për ata që e refuzojnë, Spanja zbulon planin e vaksinimit

Bota
Regjistër për ata që e refuzojnë, Spanja zbulon planin e

Autoritetet spanjolle do të mbajnë një regjistër të qytetarëve që refuzojnë të vaksinohen kundër Covid-19, i cili do të ndahet me vendet e tjera evropiane, por nuk do të bëhet publik. Lajmi u konfirmua sot nga ministri spanjoll i Shëndetësisë.

Në një intervistë me La Sexta,Salvador Illa përsëriti se vaksinimi kundër koronavirusit të ri, i cili filloi dje në Spanjë, si në shumë vende të tjera të BE-së, nuk do të jetë i detyrueshëm.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Më tej ai shtoi se lidhur me ata që nuk do të duan të vaksinohen, ata do të kenë një regjistër. “Ajo që ne do të bëjmë është një regjistër, i cili, përveç kësaj, do të njoftohet në vendet e tjera të Evropës”, vazhdoi ai.

“Ky nuk do të jetë një dokument që do të bëhet publik,” siguroi ministri spanjoll i Shëndetësisë, duke theksuar se regjistri do të krijohej me respektin më të madh për mbrojtjen e të dhënave”.

Sipas studimit të fundit të lëshuar të hënën e kaluar nga Qendra për Kërkime Sociologjike, një institut sondazhesh i lidhur me qeverinë, përqindja e spanjollëve që nuk duan të vaksinohen ka rënë ndjeshëm, nga 47% në nëntor në 28% në dhjetor.

Gjatë së njëjtës periudhë, përqindja e spanjollëve që thonë se janë të gatshëm të marrin vaksinën u rrit nga 36.8% në 40.5%.

ME TE LEXUARAT