Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Vrasja horror e çifti Pasho në Itali, gjykata jep vendimin për ish të dashurën e djalit të tyre. Elona Kaleshi mbetet në burg

ITALI
Gjykata në Firence ka vendosur masën “arrest me burg” për Elona Kaleshin, e dyshuara kryesore për vrasjen e çiftit Pasho në vitin 2015 në Itali. Elona Kaleshi, ish e dashura e djalit të çiftit Pasho, u arrestua pak ditë më parë nën akuzën e vrasjes, fshehjes dhe masakrimit të trupave të dy bashkëshortëve, të cilët u gjetën të copëtuar në 4 valixhe, më 15 dhjetor.

Gjykata mori dëshminë e qytetarëve që banonin pranë apartamentit që kishte marrë me qera çifti Pasho, ku mendohet se ata janë masakruar, në fillim të nëntorit 2015. Fqinjët thanë se në atë kohë kishin ndjerë një aromë të keqe që vinte nga shtëpia dhe se kishin parë një grua duke u larguar me disa valixhe, që dyshohet se ka qenë pikërisht Elona Kaleshi.

Sipas hetuesve italiane, Shpëtim Pasho është vrarë me thikë, në kohën kur po flinte gjumë, dhe në trupin e tij nuk ka shenja te tjera dhune. Ndërkohë Teuta Pasho, është rrahur për vdekje, dëshmi për këtë janë hematomat dhe kockat e thyera të gruas. Për krimin e rëndë, dyshohet se Kaleshi është ndihmuar edhe nga persona të tjerë. Shkak për ngjarjen dyshohet se ka qënë një shumë prej 50 mijë eurosh që cifti Pasho mbante në shtëpi.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet