Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Franca iu jep nënshtetësinë emigrantëve që punojnë në frontin antiCovid

Qindra emigrantëve në Francë që punojnë në vijën e frontit të koronavirusit u është njohur sakrifica e bërë.

Ministria e Brendshme franceze e ka ftuar këtë kategori emigrantësh të aplikojnë për një përshpejtim të procedurave të marrjes së nënshtetësisë. Më shumë se 700 të huajve, ajo u është dhënë ose ata janë në fazat e fundit të natyralizimit. Në mesin e tyre, ka profesionistë të kujdesit shëndetësor e sanitarë.

Punonjësit e vijës së frontit në mbarë botën kanë qenë më të ekspozuar ndaj Covid-19, dhe niveli i vdekshmërisë prej kësaj sëmundjeve në radhët e mjekëve dhe infermierëve, është i lartë. Franca është një prej 10 vendeve më të prekura nga koronavirusi me më shumë se 2.5 milionë raste të konfirmuara dhe afro 62,000 jetë të humbura.

Ideja e nënshtetësisë së përshpejtuar u hodh më së pari në muajin shtator. 74 persona e kanë marrë tashmë pasaportën franceze dhe 693 të tjerë janë në fazën e fundit. Gjithsej deri tani kanë aplikuar 2.890 vetë. Normalisht, një aplikant, që të konsiderohet i suksesshëm në përpjekjen për t’u kthyer në shtetas francez duhet të ketë qenë për 5 vjet rezident i këtij vendi, të ketë të ardhura të qëndrueshme dhe te ketë dëshmuar integrim në shoqërinë franceze.

 

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet