Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Dënohet me 27 vjet burg gazetari në Turqi, ja për çfarë akuzohet

Një gjykatë në Turqi ka dënuar me 27 vite e 6 muaj burg gazetarin Can Dundar, me akuzën e ndihmës ndaj një grupi terrorist dhe spiunazhi.

Gjykata e Stambollit ka shpallur fajtor Dundar, ish kryeredaktor i gazetës “Cumhuriyet” para se ai të arratisej në Gjermani në vitin 2016.

Gazetari përfundoi nën hetim i akuzuar për një histori me kamionë armësh, të kapura në kufirin turko-sirian, i cili pritej ti dërgohej rebelëve sirianë nga Shërbimi Sekret turk (MIT), raporton Ora News.

Prokuroria kishte kërkuar burgim të përjetshëm për gazetarin.

Gazetarët Can Dundar dhe Erdem Gul u arrestuan më 26 nëntor 2015, me akuzën e zbulimit të sekreteve shtetërore, spiunazhit dhe mbështetjes së një grupi terrorist.

Këto akuza janë të lidhura me publikimin provave me videove dhe fotografi në të përditshmen “Cumhuriyet” për dërgesat e armëve nga ana e shërbimeve të inteligjencës turke ndaj grupeve islamike në Siri.

Dundar dhe Gul u mbajtën 92 ditë në paraburgim, para se të liroheshin në pritje të gjykimit, më datë 26 shkurt, 2016. Në maj 2016 Dundar u dënua me pesë vite dhe 10 muaj burg.

Ai aktualisht ndodhet në Turqi.

 

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet