Bie qeveria e Izraelit, do të mbahen zgjedhjet e reja

Bota
Bie qeveria e Izraelit, do të mbahen zgjedhjet e reja

Izraeli do të mbajë zgjedhjet e tij të katërta brenda dy vitesh, pasi një qeveri e unitetit e udhëhequr nga kryeministri, Benjamin Netanyahu, nuk arriti të përmbushë një afat të buxhetit.

Parlamenti i Izraelit, Knesset, u shpërbë automatikisht më 23 dhjetor. Votuesit do të shkojnë në qendrat e votimit në mars.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Netanyahu, ndaj të cilit po zhvillohet një gjyq për korrupsion, dhe rivali i tij Benny Gantz, fajësuan njëri-tjetrin për rënien e qeverisë.

Pas tri palë zgjedhjeve që nga prilli i vitit 2019, partia Likud e krahut të djathtë që e udhëheq Netanyahu dhe ajo e qendrës, Blu dhe Bardhë e Gantz, themeluan një qeveri uniteti në muajin maj për t’iu përgjigjur krizës shëndetësore dhe ekonomike të shkaktuar nga pandemia e koronavirusit.

Emërohet shefi i ri i shërbimit sekret izraelit

Sipas marrëveshjes, Gantz, i cili është ministër i Mbrojtjes, do të merrte rolin e kryeministrit nga Netanyahu në gjysmën e mandatit katërvjeçar në nëntor të vitit 2021. Kritikët thonë se Netanyahu nuk e kishte ndërmend të zbatonte deri në fund marrëveshjen.

Koalicioni ka qenë jofunksional që nga fillimi, i nxitur nga mosbesimi, rivalitetet personale dhe ndryshimet e thella që vetëm u intensifikuan me kalimin e kohës.

Shkaku për rënien e qeverisë pika e marrëveshjes së koalicionit që përcakton se qeveria duhet të miratojë një buxhet dy-vjeçar për 2020 dhe 2021. Netanyahu, megjithatë, hoqi dorë nga kjo, duke bërë presion që buxheti të miratohej vetëm për vitin aktual .

Lideri me shërbimin më të gjatë të Izraelit është përballur me protesta kundër udhëheqjes së tij dhe trajtimit të pandemisë.

Gantz zbehu mbështetjen ndaj tij në fillim të këtij viti kur ai hoqi dorë nga një premtim i fushatës për të mos ndarë kurrë pushtetin me Netanyahun.

ME TE LEXUARAT