Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Italia nis vaksinimin më 27 dhjetor, infermierja që do marrë dozën e para

Do të jetë një grua, një infermiere, personi i parë që do të marrë vaksinën anti covid në Itali.

Gjithçka është gati tashmë në institutin Spallanzani në Romë, për fillimin e vaksinimit që është programuar të ndezë motorët më 27 dhjetor në të njëjtën kohë në të gjithë Evropën. Vaksinën do ta marrë edhe një operator sanitar, një kërkuese dhe dy mjekë.

Do të jetë ushtria ajo që do të marrë në dorëzim vaksinat që do të vijnë nga fabrika e Pfizer në Belgjikë. Shpërndarja është planifikuar me urgjencë dhe vaksinat do të mbërrijnë në Itali më 24 dhjetor.

Fillimisht ajo do të ruhet në ambientet e institutit Spallanzani dhe nën kujdesin e ushtrisë do të shpërndahet dhe administrohet në 21 qendra kombëtare.

Ndërkohë, sipas një sondazhi të kryer së fundmi, në Itali, dy persona nga tre gjithsej, ose ndryshe 67 për qind e të anketuarve, thonë se do ta bëjnë vaksinën.

Shifra rritet tek të moshuarit në mbi 84 për qind. Rezultatet, thonë zyrtarët – tregojnë një sjellje të përgjegjshme të italianëve. Sipas studimit, personat më të arsimuar janë më të hapur ndaj vaksinës.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet