Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Gjykata Kushtetuese rrëzoi qeverinë e Kosovës, ambasada amerikane bën thirrje

Ambasada e Shteteve të Bashkuara në Prishtinë u ka bërë thirrje të gjitha partive politike dhe institucioneve në Kosovë që të respektojnë vendimet e Gjykatës Kushtetuese.

Ky reagim vjen pas vendimit të 21 dhjetorit të Gjykatës Kushtetuese në Kosovë, se Qeveria e Kosovës, e udhëhequr nga Avdullah Hoti, është zgjedhur në mënyrë jokushtetuese.

Sipas saj, një gjë e tillë ka ndodhur për shkak të votës së deputetit Etem Arifit, i cili, më 3 qershor votoi për Qeverinë Hoti, ndonëse kishte një dënim të formës së prerë për veprën penale “mashtrim me subvencione”.

Më tutje në reagimin e ambasadës të martën është thënë se autoritetet e Kosovës duhet të sigurojnë që qytetarët e Kosovës “të kenë mundësinë të zgjedhin përfaqësuesit e tyre përmes zgjedhjeve të lira, të drejta dhe paqësore”.

Sipas vendimit të Gjykatës Kushtetuese “presidenti i Republikës së Kosovës shpall zgjedhjet, të cilat duhet të mbahen jo më vonë se 40 ditë nga dita e shpalljes së tyre”.

Sipas nenit 82 të Kushtetutës, kuvendi, ndër të tjera, shpërndahet nga 2/3 e votave të deputetëve dhe më pas presidenti i vendit përmes dekretit shpërndanë kuvendin dhe shpall datën e zgjedhjeve.

Partitë e koalicionit qeverisës, që përbëhet nga Lidhja Demokratike e Kosovës, Aleanca për Ardhmërinë e Kosovës, Nisma Socialdemokrate dhe partitë e komuniteteve joshumicë ende nuk kanë komentuar vendimin e Gjykatës Kushtetuese.

Qeveria Hoti do të mbetet në detyrë deri në zgjedhjen e ekzekutivit të ri.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet