Greqia zgjat afatin e e lejeve të qëndrimit dhe vërtetimeve të aplikimit për shqiptarët

Aktualitet
Greqia zgjat afatin e e lejeve të qëndrimit dhe vërtetimeve

Ministria për Evropën dhe Punët e Jashtme bën me dije se Ministria Greke e Emigracionit dhe Azilit ka zgjatur vlefshmërinë e lejeve të qëndrimit dhe vërtetimeve të aplikimit, për shtetasit e vendeve të treta.

Dokumentet e lëshuara nga shteti helen, të cilat kanë skaduar gjatë periudhës 1 janar 2020 – 31 korrik 2020, do iu zgjatet vlefshmëria deri më 31 mars 2021.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ndërsa për dokumentet që janë lëshuar nga 1 gusht 2020 dhe me datë skadence deri 31 mars 2021, u zgjatet automatikisht vlefshmëria me 8 muaj nga data e tyre fillestare e skadimit.

Hyrja në fuqi e lejeve të qëndrimit që do të lëshohen fillon ditën pasardhëse nga data e skadimit të lejes së qëndrimit të listuar. Kjo nuk vlen për lejet e qëndrimit dhe vërtetimet e aplikimit që janë rinovuar tashmë për një datë të mëvonshme,”-thuhet në njoftimin e Ministrisë.

Vendimi i autoriteteve greke të emigracionit vjen në kuadër të masave për pandeminë e Covid 19 dhe lehtëson pozitën e disa mijëra emigranëtve shqiptarë që u kishin përfunduar afatet e lejeve të qëndrimit.

Ripërtëritja e tyre ishte vështirësuar prej mbylljes së qendrave të shërbimit të emigrantëve por edhe vështirësive për mjaft emigrant të pajisjes me pasaporta pranë selive diplomatike shqiptare në Greqi.

ME TE LEXUARAT