Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Sulmohet me raketa ambasada e SHBA-së në Bagdad, ja si u kundërpërgjigj

Tre raketa janë lëshuar sot në drejtim të Ambasadës së SHBA në zonën e mbrojtur, të fortifikuar të kryeqytetit irakian Bagdad, thanë zyrtarët irakianë.

Nuk është e qartë nëse ka pasur lëndime, por u konfirmua se u shkaktua dëm material dhe disa automjete u shkatërruan në parkingun e ambasadës, përcjell AP deklaratën e një zyrtari në kushte anonime.

Ambasada amerikane u kundërpërgjigj duke aktivizuar sistemin mbrojtës antiraketë C-RAM, i cili u ngrit këtë verë në mënyrë që të zmbrapsë përpjekjet gjithnjë e më të shpeshta për të goditur misionin diplomatik amerikan në kryeqytetin e Irakut.

Sulmi shkaktoi frikë për shkak të trazirave të mundshme në prag të përvjetorit të vrasjes së gjeneralit Qasim Suleimani, komandanti i Gardës Revolucionare Iraniane, i cili u likuidua më 3 janar të këtij viti, jo shumë larg aeroportit të Bagdadit.

Nga frika e hakmarrjes përpara përvjetorit të parë të vrasjes së Suleimanit, Shtetet e Bashkuara urdhëruan një reduktim të numrit të punonjësve në ambasadën në Bagdad.

Frekuenca e sulmeve me raketa kundër Shteteve të Bashkuara pas vrasjes së Suleimanit shkaktoi shqetësim të administratës Donald Trump dhe akuza ndaj grupeve të armatosura shiite pro-iraniane.

Uashingtoni paralajmëroi në shtator se do të mbyllte ambasadën e tij në Bagdad nëse qeveria irakiane nuk do të ndërmerrte hapa vendimtarë për të parandaluar sulmet me raketa dhe sulme të tjera nga formacionet pro-iraniane mbi synimet dhe interesat amerikane në atë vend.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet