Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Mashtrimi me provimin, Suarez e pranon: Po, m’i treguan më parë përgjigjet!

Ngjarja korruptive, se futbollistit uruguajan Luis Suarez e ka marrë dëshminë e gjuhës italiane pa e ditur atë, vazhdon të jetë në qendër të diskutimeve në gadishullin Apenin.

Mësohet, se sulmuesi i Atletiko Madridit, e ka pranuar që ai i ka ditur më parë përgjigjet e provimit të gjuhës italiane, që ka dhënë në muajin shtator në Universitetin e Peruxhias.

Sipas një raportimi të “Ansa”, uruguajani është marrë në pyetje, si dëshmitari kryesor dhe përgjigjet e tij, do të ishin thelbësore për çështjen.

Suarez nuk ka hezituar të pranojë akuzat gjatë video-konference, të cilën e drejtonte prokurori Rafaele Kantone.

Ngjarja e bujshme ka bërë që Xhuliani Grego Boli, rektor i Universitetit të Peruxhias për të huajt, i pezulluar për tetë muaj, të paraqesë edhe dorëheqjen nga ushtrimi i detyrës.

Ndërkohë, prokurori i çështjes Kantone, vazhdon grumbullimin e fakteve, para se ta dorëzojë çështjen në gjykatë.

Gjithashtu edhe drejtori sportiv i Juventusit, Fabio Paratici, është nën akuzë, pa çka se ende nuk ka një sanksion kundrejt tij. Mendohet, se ai ka ndërhyrë për të favorizuar Suarezin, i cili asokohe edhe mund të kalonte nga Barça në radhët e bardhezinjve të Torinos.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet