Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Shifra të larta në Itali, 683 të vdekur dhe mbi 18 mijë të infektuar në 24 orë

Numri i të vdekurve si pasojë e COVID-19 në Itali arriti sot në 67 220, me 683 vdekje të regjistruara në 24 orët e fundit.

Sipas të dhënave të përditshme të njoftuara nga Ministria e Shëndetësisë, 18 236 persona janë diagnostikuar me COVD-19 në 24 orët e fundit, numri i përgjithshëm i të cilëve që nga fillimi i pandemisë në muajin shkurt ka arritur në 1 906 377.

Numri i rasteve aktive ka rënë në 635 343, kurse ai pacientëve në kujdes intensiv në 2 855.

Deri më tani janë shëruar 1 203 814 persona, përfshirë 27 913 në 24 orët e fundit.

Ndërkohë, siç raportohet, kryeministri Giuseppe Conte, së bashku me partnerët e koalicionit dhe liderët rajonalë, kanë shqyrtuar masat që do të kufizojnë lëvizjen e lirë në gjithë vendin midis 24 dhe 27 dhjetorit dhe 31 dhjetorit dhe 3 janarit, duke e shpallur vendin si “zonë të kuqe”.

Conte pritet të njoftojë masa shtesë të rrepta për të parandaluar përhapjen e virusit gjatë festave të Krishtlindjeve dhe Vitit të Ri pas takimit ministror të nesërm.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet