Ngjarje tronditëse në Prizren/ Babai qëlloi për vdekje të bijën dhe më pas veten, dalin detajet

Një ngjarje e rëndë tronditi mbrëmjen e djeshme Prizrenin, ku babë e bijë u gjetën pa shenje jete në shtëpi.

Dyshimet e para janë se babai, me detyrë polic, ka vrarë të bijën 21 vjeçare me armën e shërbimit dhe më pas edhe veten.

Sipas mediave kosovare, 52 vjeçari me iniciale S.M. ishte prej 20 vitesh efektiv në Policinë e Kosovës.

Ngjarja dyshohet se ka ndodhur rreth orës 19:16 të pasdites së djeshme (16 dhjetor), ndërkohë që policia është lajmëruar pasi banorët e zonës kanë dëgjuar të shtënat e armës.

I pranishëm në ngjarje ka qenë edhe djali i familjes. Akti i rëndë është ndërmarë pak minuta para se polici të nisej për në vendin e tij të punës, ku punonte prej disa kohësh si doganier.

Sakaq ende nuk janë qartësuar rrethanat e ngjarjes, teksa po vijohen hetimet.