Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Ish-gruaja e Jeff Bezos dhuron miliarda dollarë për ushqime dhe ndihma emergjente

MacKenzie Scott, ish-gruaja e themeluesit të Amazonit, Jeff Bezos, ka dhuruar mbi katër miliardë dollarë për ushqime dhe ndihma emergjente, brenda katër muajsh.

Scott tha në një blog se ka dashur t’i ndihmojë amerikanët që luftojnë për shkak të pandemisë së koronavirusit.

“Humbjet ekonomike dhe pasojat shëndetësore kanë qenë më të këqija për gratë, për njerëzit me ngjyrë dhe për njerëzit që jetojnë në varfëri”, tha ajo.

Scott është personi i 18-të më i pasur në botë.

Pasuria e saj është rritur për 23.6 miliardë dollarë këtë vit, në 60.7 miliardë.

Shumica e pasurisë së saj vjen nga Bezos, i cili është njeriu më i pasur në botë dhe shef i Amazonit, kompanisë më të madhe të shitjeve online.

Scott ka dhënë donacione në mbi 380 organizata bamirëse.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet