Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Italia me masa të rrepta kundër pandemisë për festat e fundvitit

Italia po konsideron vendosjen e kufizimeve më të rrepta kundër pandemisë gjatë festave të Krishtlindjes dhe Vitit të Ri.

Autoritetet janë të shqetësuar se në muajin janar mund të ketë rritje të numrit të të infektuarve me koronavirus. Të dielën turma të njerëzve u dyndën në dyqane dhe qendra tregtare, pasi vendi ka lehtësuar disa prej masave që kishte vendosur muajin e kaluar.

Më 13 dhjetor, Italia raportoi 484 vdekje të lidhura me koronavirusin. Të shtunën, ky vend tejkaloi Britaninë e Madhe, si vendi evropian me numrin më të lartë të vdekjeve.

Qeveria mund të vendosë masat nën të ashtuquajturat rregulla bllokimi “të zonës së kuqe” nga 24 dhjetori deri të paktën 2 janar, duke zgjatur orën policore gjatë natës, pastaj duke ndaluar lëvizjen jo-thelbësore dhe mbylljen e dyqaneve, bareve dhe restoranteve gjatë fundjavave dhe pushimeve, me përjashtim të atyre që shesin mallra thelbësore, raportuan mediat italiane.

“Turmat e njerëzve janë të pajustifikueshme, iracionale, të papërgjegjshme”, i tha ministri italian i çështjeve rajonale, Francesco Boccia të përditshmes italiane la Repubblica.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet