Do jesh ministre e Brendshme në vend të Sandër Lleshajt? Përgjigjet Elisa Spiropali

Zërave që qarkullojnë që mund të zëvendësojë Sandër Lleshajn në postin e ministrit të Brendshëm, Elisa Spiropali preferoi të mos u japë një përgjigje të prerë.

Ajo tha në studion e “Quo Vadis” se kjo vendimmarrje i takon kryeministrit Edi Rama.

“Është një vendim që i takon kryeministrit. Unë jam ministre dhe kam shumë punë edhe në fushatë në qarkun e Tiranës.”

Sandër Lleshaj u dorëhoq pas protestave që nisën pas ngjarjes së rëndë ku Klodian Rasha u vra nga një efektiv policie.