Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Ngjela kritikon protestuesit: 100 halabakë të Saliut po djegin e plaçkisin qytetin!

Avokati Spartak Ngjela kritikoi protestuesit që sipas tij sulmuan ambientet publike janë të thirrur nga ish-kryeministri Sali Berisha.

Në një postim të shpërndarë në “Facebook”, Ngjela shkruan se forcat policore nuk duhet të lejojnë “halabakët e Saliut” që të thyejnë qytetin.

Pasi i vodhën shqiptarët dhe u kapën në vjedhje, shton avokati, ata duan tani që të “shkallmojnë” Shqipërinë.

“Sot në Shqipëri nuk ka shtet që të jetë me shqiptarët. Të gjithë të korruptuarit e mëdhenj janë me alabakët që thyejnë qytetin, se, ata që po i paguajnë duan destabilizim të gjendjes në Shqipëri.

Si mund të lejojë policia njëqind alabakë të Saliut, ardhur nga skutat primitive të Shqipërisë, të thyejnë dhe plaçkitin Tiranën? Gjithë policia e shtetit duhet të vijë këtu dhe t’iu tregojë vendin vandalëve. Policia, kundrejt dhunuesve të ligjit, është forcë, nuk është përkëdhelje.

Nëse policia nuk vjen në Tiranë me mjete, atëherë kuptohet se nuk e lë kryeministri. Nëse nuk e lë kryeministri, kryeministri është me ta, se ka frikë nga reforma antikorrupsion. Asnjë nga këta të korruptuar nuk është me shqiptarët. Pasi i vodhën shqiptarët dhe u kapën në vjedhje, tani duan të shkallmojnë Shqipërinë, që të shpëtojnë gjënë e vjedhur.

Me një grup alabakësh primitivë, shumica kalamaj, të paguar nga korrupsioni i lartë. Po Uashingtoni, a do t’i kërcënojë? Duhet t’i kërcënojë rreptë që të tre: Ramën, Berishën dhe Bashën. Që të tre janë pas vandalëve”, shkruan Spartak Ngjela.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!
1 Comment
  1. piere says

    ti je nje kelysh komunisti i pa fytyre.nje palaqo.

Pergjigju

Adresa juaj e-mail nuk publikohet