Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Mrekulli në Turqi, 103-vjeçarja mposht COVID-19

Një grua e moshuar në Turqi ka mposhtur COVID-19 për dy javë falë përpjekjeve të mjekëve.

Emine Tekin, 103-vjeçare, kaloi tetë ditët e para në shtëpi në fshatin Omurlu të provincës Mardin pasi doli pozitive ndaj koronavirusit të ri.

Ajo më vonë u shtrua në spital derisa gjendja e saj u përkeqësua dhe ajo doli nga spitali pas një trajtimi gjashtëditor.

Një nënë e katër fëmijëve, Tekin theksoi se tetë ditët e para që kaloi në shtëpi ishin shumë të vështira.

“Sëmundja ime ishte shumë e rëndë. Mjekët dhe infermierët këtu më ndihmuan shumë”, theksoi ajo.

“Nëntëdhjetë e pesë vjet më parë, një sëmundje epidemike si kjo u përhap. Ajo preku veçanërisht fëmijët. Në të kaluarën, kishte varfëri, nuk kishte asnjë mjek. Shumica e fëmijëve vdiqën”, kujton Tekin.

Duke theksuar se ajo i mbijetoi epidemisë, tani tha se ajo ka mposhtur po ashtu edhe COVID-19.

Erdal Dayan, specialist i neurologjisë në spitalin shtetëror të Mardinit, tha se Tekin doli pozitive pas ankesave për ethe, kollë, dobësi dhe humbje të oreksit. Ajo u dërgua në spital pasi gjendja e saj u përkeqësua.

“Ajo po na buzëqesh tani, duke u lutur për ne. Ky është gëzimi ynë më i madh. Jo të gjithë mund të jenë me fat si ajo”, deklaroi Dayan duke shtuar se edhe pacientët e rinj mund të mos jenë në gjendje ta mposhtin sëmundjen.

“Askush nuk duhet të thotë: Asgjë nuk do të më ndodhë. Ne shohim se çfarë mund të ndodhë si profesionistë të kujdesit shëndetësor”, theksoi ai.

Turqia raportoi 5 918 pacientë simptomatikë me COVID-19, duke e çuar numrin në 564 435.

Rreth 5 232 pacientë gjithashtu janë shëruar duke e çuar numrin e përgjithshëm në 452 593, ndërsa numri i të vdekurve ka arritur në 15 751.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet