Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Vdes në rrethana misterioze spikeri i lajmeve në Afganistan, vetëm një ditë pasi u qëllua për vdekje një gazetare

Një prezantues i lajmeve ka ndërruar jetë në kryeqytetin Kabul të Afganistanit nën rrethana të dyshimta vetëm një ditë pasi u qëllua për vdekje një gazetare.

Sipas policisë së Kabulit, Fardin Amini humbi jetën për shkak të gjakderdhjes së tepërt pas mbërritjes në spital sot në mëngjes. Zëdhënësi i policisë, Firdaus Faramarz, tha se një ekip i patrullimit të policisë gjeti gazetarin e ri me një plagë të thellë në qafë.

Ndërkohë, zëdhënësi i Ministrisë së Punëve të Brendshme, Tariq Arian, në një deklaratë të shkurtër për mediat tha se hetimi fillestar sugjeron se gazetari bëri vetëvrasje.

Hameeda Madadai, një kolege e prezantuesit të lajmeve Amini, për AA tha se “gazetari i vrarë ishte introvert”.

“Ai ishte një profesionist shumë i mirë dhe punëtor. Vdekja e tij është një tragjedi”, tha ajo.

Sipas medias lokale Sayhoon News, Amini po voziste kur mori një telefonatë. Më vonë, ai u drejtua me makinë në një vend të braktisur në pjesën veriore të qytetit, ku më pas u gjet me fytin e prerë nga një objekt i mprehtë.

Një ditë më parë, gazetarja afgane, Malalai Maiwand, u vra me armë zjarri nga sulmues të panjohur në provincën lindore Nangarhar. Incidenti ndodhi kur Maiwand ishte drejtuar drejt zyrës së saj me një automjet së bashku me shoferin e saj në kryeqytetin e provincës Jalalabad. Gazetarja dhe shoferi vdiqën në vend, ndërsa sulmuesit e armatosur u larguan nga vendi i sulmit.

Sulmi i tretë i këtij lloji brenda një muaji ka shkaktuar tronditje të gazetarëve afganë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet