Po kurohej në Itali, humb betejën me Covid-19 mjeku Drini Dobi

Ka ndërruar jetë mbrëmjen e sotme si pasojë e komplikacioneve me Covid-19, mjeku Drini Dobi i cili po kurohej prej pak ditësh në Itali.

Mjeku i njohur neurolog Drini Dobi është nisur me urgjencë disa ditë më parë drejt Italisë për të marrë një mjekim më të specializuar, pasi gjendja e tij pas infektimit me COVID-19 u rëndua.

Për dërgimin e tij në Itali që të marrë mjekim më të specializuar të afërmit e ndihmuan finaciarisht.

Po ashtu ata hapën dhe një llogari bankare për të bërë bashkë një shumë që të mbulojë shpenzimet e qëndrimit në spitalin italian dhe mbulimin e plotë të kurës së tij, por për fat të keq mjeku nuk ia ka dalë të fitojë betejën me sëmundjen vdekjeprurëse.