Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Eurodeputetët bëjnë thirrje: Nisni negociatat me Shqipërinë

Mbi 20 deputetë të Komisionit të Jashtëm të Parlamentit Europian kanë firmosur një deklaratë të përbashkët, përmes të cilës i bëjnë thirrje Këshillit Europian që të miratojë pa vonesë kuadrin negociator me Shqipërinë dhe Maqedoninë e Veriut.

Deklarata mban firmat e përfaqësuesve të grupeve të ndryshme politike. Eurodeputetët kërkojnë nga palët e përfshira që të gjendet një zgjidhje me qëllim që hapja e negociatave të nisë brenda këtij viti. Në deklaratën e përbashkët, parlamentarët e Komisionit të Jashtëm të PE-së paralajmërojnë se, “mbajtja pezull e këtij procesi rrezikon besueshmërinë e Bashkimit Europian në Balkanin Perëndimor”.

Sa i përket Shqipërisë, nënvizohet se vendi meriton të avancojë në rrugën drejt BE-së, duke mbajtur në konsideratë përpjekjet e qarta për t’u reformuar, veçanërisht në sektorin e Drejtësisë. Gjithashtu eurodeputetët shtojnë se Shqipëria duhet të përmbushë kushtet e vendosura nga Këshilli.

 

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet