Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Shpresë për Italinë, ulet ndjeshëm numri i viktimave dhe i të prekurve me Covid-19

Ka pësuar një ulje numri i personave të infektuar në Itali në 24 orët e fundit.

Këtë të hënë janë regjistruar 13,720 raste të reja pozitive dhe 528 vdekje krahasuar me një ditë më parë kur u regjistruan 18.887 infektsione të reja dhe 564 persona të cilët ndërruan jetë.

Nga 100 testime të bëra 12 kanë dalë pozitivë, çka do të thotë se shkalla e pozitivitetit ishte 12.3%.

Drejtori i Klinikës të sëmundjeve infektive, Matteo Bassetti, thekson se po rritet numri i testimeve në mënyrë që të gjurmohen rastet e reja dhe se duhet vëmendje maksimale pasi para festave të fundvitit rrezikohet një valë e tretë nga koronavirusi.

“Situata në itali po përmirësohet, por raporti i testimeve me tampona po rritet, duke arritur në 12.3%, krahasuar me 11.5% dje.

Për të mbajtur nën kontroll epideminë, është e nevojshme që të kryhen nga pesë deri në dhjetë mijë testime ditore dhe shkalla nën 10%, në mënyrë që të riaktivizohet gjurmimi i kontaktit.

Momenti është delikat, nëse nuk i kushton vëmendje tani, para Krishtlindjeve, rrezikon një valë të tretë në janar, të përzier me valën e gripit’’- tha Matteo Bassetti , drejtori i Klinikës së Sëmundjeve Infektive të spitalit San për Adnkronos Salute.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet