Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Mbretëresha do të bëjë vaksinën, kjo është mënyra e duhur për të rrëzuar teoritë konspirative

Mbretëresha Elizabetë dhe princi Filip janë gati për të bërë vaksinën kundër Covid-19.

Lajmin e pohuan burime nga pallati mbretëror. Monarkja dhe i shoqi, përkatësisht 94 dhe 99 vjeç bëjnë pjesë në grupmoshën më të rrezikuar.

“Kjo është mënyra më e mirë për të rrëzuar teoritë konspirative”, thanë burimet në fjalë. Madje sipas tyre, edhe princi Charles dhe William mund të luajnë një rol shumë të rëndësishëm në fushatën e vaksinimit.

“Anglia po përgatitet për hapin më të madh të vaksinimit në historinë e saj dhe mbretëresha Elizabetë është natyrisht në radhën e parë. Sovrania 94-vjeçare dhe princ Filip kanë deklaruar se do të respektojnë radhën dhe do të bëjnë vaksinën”, thotë “Mail on Sunday”. “Ekspertët e fushës së shëndetit publik theksojnë se vendimi i mbretëreshës është marre duke zbatuar të gjitha këshillat e mjekëve dhe pritet të japë një kontribut shumë të madh në luftën kundër dezinformimit, sidomos teorive konspirative të shpërndara nga rrjete të ndryshme online.”

Autoritetet, sipas të njëjtit artikull, druhen se për shkak të këtyre teorive një pjese e popullatës do ta refuzojë vaksinën. Britania miratoi e para përdorimin e vaksinës për koronavirus të prodhuar nga kompania farmaceutike Pfizer, ndërsa planifikon që ta fillojë shpërndarjen këto ditë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet