Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Amerika dhe Kina dominojnë në tregun e armëve

Kompanitë amerikane dhe kineze dominuan tregun global të armëve në vitin 2019.

Raporti i publikuar nga Instituti Ndërkombëtar për Kërkim të Paqes, me seli në Stokholm tregon se këto firma regjistrojnë mbi 75 përqind të shitjeve vitin e kaluar. Nga 25 kompanitë më të mëdha të armëve në botë, 12 kanë qenë amerikane dhe përbënin 61 përqind të shitjes së armëve e shërbimeve ushtarake, ndërsa shitjet e kompanive kineze kanë qenë 15.7 përqind, thuhet në raport. Lista vazhdon të udhëhiqet nga kompania amerikane e hapësirës ajrore Lockheed Martin.

Shtetet e Bashkuara e kanë dominuar tregun ndërkombëtar të armëve për dekada të tëra, por shitjet e kompanive kineze janë rritur me gati 5 përqind në vitin 2019, thuhet në raport. Verifikimet e SIPRI po ashtu treguan se, për herë të parë, një kompani nga Lindja e Mesme ka hyrë në mesin E 25 kompanive më të mëdha të armëve në botë. Bëhet fjalë për EDGE nga Emiratet e Bashkuara Arabe, e cila është formuar nga konsolidimi i rreth 25 subjekteve të mbrojtjes në vitin 2019.

I krijuar nga Parlamenti i Suedisë më 1966, Instituti Ndërkombëtar për Kërkim të Paqes gjurmon shpenzimet ushtarake dhe transferimet e armëve neper bote.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet