Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Ekzekutimi i sotëm në Prishtinë, Policia e Kosovës shpall në kërkim turkun e dyshuar për vrasje

PRISHTINA

Policia e Kosovës lajmëron se ka shpallur në kërkim një shtetas turk, i dyshuar për vrasjen e një personi këtë të diel në Prishtinë.

“Drejtoria Rajonale e Policisë, Prishtinë, pas identifikimit të personit të dyshuar me autorizim të Prokurorisë së shtetit, shpall në kërkim personin e dyshuar; Altin Yaldimir (1967), shtetas i Turqisë”, thuhet në njoftimin e Policisë së Kosovës.

Policia ka kërkuar ndihmën e qytetarëve për të gjetur turkun, duke publikuar fotografinë e të dyshuarit. Sot, rreth orës 12:00 të mesditës, në rrugën “Bekim Fehmiu” në Prishtinë, një person u vra me armë zjarri.

Sipas policisë, i dyshuari dhe viktima kanë qenë brenda një automjeti dhe se personi i akuzuar ka shtënë me armë zjarri mbi viktimën.

Pistoleta me të cilën u krye vrasja është gjetur disa metra larg vendit ku ndodhi ngjarja, e hedhur në një kosh të plehrave. Policia tha se ka identifikuar autorin e dyshuar, ka kryer bastisje në banesën e tij, por nuk e ka gjetur në shtëpi turkun e dyshuar.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet