Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Laboratori zbulon “melhemin” që kuron koronavirusin

Një tjetër ilaç antiviral që përdoret për gripin, duket se arrin të bllokojë plotësisht transmetimin e Sars Cov-2.

Bëhet fjalë për Molnupiravir, i cili në kafshët e laboratorit arrin të bllokojë brenda 24 orëve virusin.

Është e thjeshtë të merret në mënyrë orale dhe tashmë është në fazë të avancuar të ekperimentimit klinik kundër Covid-19.

Sipas kërkuesve, nëse efikasiteti i tij do të konfirmohej edhe tek njeriu, mund të bëhet instrumenti kryesor për frenimin e sëmundjes, duke ulur edhe kohën e izolimit të pacientëve dhe duke vënë nën kontroll menjëherë edhe infektimin.

Studimi mban firmën e Georgia State University në SHBA dhe është publikuar në revistën shkencore Nature Microbiology.

Në studim thuhet se ilaçi me siglën MK-4482/EIDD-2801, është një kandidat premtues i jashtëzakonshëm për vënien nën kontroll të koronavirusit.

Tek kafshët e testuara është vënë re se në momentin që liheshin në të njëjtin kafaz kafshët e infektuara me kafshë të shëndetshme, nëse të parat trajtoheshin me Molnupiravir, infeksioni nuk transmetohej tek asnjë nga kafshët e shëndetshme.

Asnjë nga to, pavarësisht se në bashkëjetesë të ngushtë brenda të njëjtit kafaz, nuk u prek nga koronavirusi. Nëse rezultati do të verifikohej edhe tek njeriu, pacientët e trajtuar me të brenda 24-orëve nga nisja e terapisë, nuk do të përbënin asnjë rrezik infektimi për të tjerët.

Ndërkohë sot në botë janë blerë apo porositur tashmë 10 miliardë doza, por me një disproporcion të madh. Vendet e pasura kanë marrë shumë më tepër doza sesa numri i popullsisë, duke lënë pas edhe vendet e varfëra. Në krye klasifikohen SHBA me 2.6 miliardë doza, BE me 2 miliardë, dhe India me 1.6 miliardë.

Klan Plus

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet