Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Itali, tre shqiptarë në pranga me 275 kg drogë me stampën “Dragon Ball”

Policia e Riminit ka sekuestruar 275 kg drogë të tipit marijuanë e hashash e kanë vënë në pranga 3 trafikantë shqiptarë.

Hetimet e këtij operacioni u nisën në verë të vitit 2020 pas arrestimit të dy vëllezërve shqiptarë me 1.5 kg marijuanë e u mbyllën me ekzekutimin e operacionit në natën e 3 dhjetorit duke u gdhirë data 4 dhjetor 2020.

Falë punës investigative të repartit operativ të antidrogës së Riminit, u sinjalizua mbërritja e një ngarkese droge në territorin e provincës së Riminit.

Operacioni u finalizua me kapjen e një furgoni në zonën Spadarolo të Rinimit. Në dyshemenë e modifikuar të automjetit u gjendën 160 kg hashash e 115 kg marijuanë. Pakot e drogës kishin të stampuar figura filmash vizatimorë e filma serialë televizivë.

Identifikimi i furgonit erdhi pas mbajtes nën përgjim të disa anëtarëve shqiptarë të këtij grupi kriminal që pasditen e datës 3 dhjetor kishin kryer lëvizje të dyshimta me automjetet e tyre.

Në një rrugë dytësore të zonës industriale të Sparadarolës në Rimini autoritetet italiane ndaluan furgonin me drogë e në vendngjarje u arrestuan 3 trafikantë shqiptarë.

Dy prej tyre të moshës 26 e 35 vjec janë banues në Rimini, shqiptari i tretë 35 vjec, pa leje qëndrimi në Itali, u kap pas ndjekje prej disa minutash nga policia italiane. Ndërsa shoferi i furgonit mundi të arratisej e është shpallur në kërkim.

Tre trafikantët shqiptarë ndodhen në arrest me burg e janë në dispozicion të autoriteteve gjyqësore italiane.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet