Komisioni Hetimor për dosjet e UÇK-së/ Artur Roshi: Maxhoranca po e përdor si kauzë elektorale

Politikë
Komisioni Hetimor për dosjet e UÇK-së/ Artur Roshi: Maxhoranca

Kreu i Ballit Kombëtar Demokrat, Artur Roshi, në fjalën e tij në parlament, foli ndër të tjera edhe për ngritjen e Komisionit Hetimor për UÇK-në.

Roshi theksoi se Ushtria Çlirimtare e Kosovës ka kryer luftë të pastër, kurse shtoi se maxhoranca po e përdor kauzën e UÇK-së për arsye elektorale.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“UCK ka bërë luftë të drejtë. Mos e përdorni për kauzë elektorale. Komisioni Hetimor, nëse ngrihet për motive të ulëta, finalja do jetë e kundërta e asaj që prisni. Ndërkombëtarët, ndryshe nga se e mendoni ju, kanë drejtësi dhe siç ndihmuan UÇK-në gjatë luftës, do ndihmojnë edhe liderët e saj. Unë kam besim se udhëheqësit e Ushtrisë Çlirimtare të Kosovës do të dalin faqebardhë”, tha Roshi.

Artur Roshi u shpreh më tej se qeveria shqiptare po largon investitorët e huaj nga Shqipëria.

“Qëndrimi i qeverisë ka bërë që investitorët e huaj kzanë ikur nga vendi ynë. Një investitor i huaj iku me këmbë të thyer. Ata që vijnë nuk kanë besim t’i japin qeverisë para në cash, sepse nuk kanë besim tek qeverisja. Ju urreni biznesin. Filozofia e së majtës ka qenë dhe është kundër biznesit, kundër parasë që rrjedh nga biznesi. Duhet ligj i ridimensionuar për investimet”, deklaroi Roshi.

ME TE LEXUARAT