Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Tragjike/ Koronavirusi iu merr jetën dy vëllezërve shqiptarë brenda tri ditësh

Një ngjarje tragjike ka ndodhur në një familje shqiptare nga Kosova, ku koronavirusi iu ka marrë jetën dy vëllezërve brenda tri ditësh. Lajmin e hidhur e ka dhënë deputeti i PDK-së, Gazmend Bytyqi, i cili ka njoftuar se dy vëllezërit kanë ndërruar jetë në një diferencë prej tri ditësh nga njëri-tjetri.

Adnan Bucaliu ka vdekur vetëm tri ditë, pasi i vdiq edhe vëllai Agroni. Deputeti i PDK-së, i cili kishte lidhje miqësie me Adnanin, e ka përshkruar atë si shok e njeri me zemër të madhe. Ndërkohë, familjarët në rrjetet sociale kanë shkruar se dy vëllezërit kanë vdekur nga Covid-19.

Njoftimi i plotë

Lajm i rëndë
Mbrëmë mora lajmin e kobshëm, se vdiq Adnan Bucaliu, tri ditë pasi i vdiq edhe vëllai, Agroni.
Adnani ishte shok e njeri i mirë, me zemër të madhe e të bardhë.

Gjithmonë ishte i veçantë, jo vetëm për familjen, por edhe për mua e shoqërinë tonë, përgjithësisht.
Me zemër të thyer u shpreh ngushëllime familjes Buacliu dhe gjithë shoqërisë sonë të përbashkët.

Adnani e Agroni paçin qetësi në botën e përtejshme e të përjetshme, familjes ngushëllime nga thellësi e shpirtit.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet