Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Kryemadhi takon ambasadorin Del Monaco: OSBE ka një sfidë të madhe

Kryetarja e Lëvizjes Socialiste për Integrim Monika Kryemadhi është takuar me ambasadorin e OSBE-së në Shqipëri, Vincenzo Del Monaco.

Lajmin e ka bërë me dije vetë ajo përmes një statusi në rrjetet sociale.

Kryemadhi shprehet se në takim u shkëmbyen mendime mbi procesin e 25 prillit dhe sfidat e Shqipërisë sa i takon besimit të qytetarëve tek institucioni i zgjedhjeve.

“Kënaqësi të prisja sot në takim Ambasadorin Vincenzo Del Monaco, Kryetar i Prezencës së OSBE-së në Shqipëri.

Shkëmbyem mendime mbi procesin zgjedhor të 25 prillit dhe sfidat e Shqipërisë. Prezenca e OSBE ka një sfidë të madhe përpara, përsa i takon besimit të qytetarëve tek institucioni i zgjedhjeve.

Kjo është një sfidë jo vetëm e prezencës së OSBE këtu, por për të gjithë aktorët politikë dhe sidomos e opozitës shqiptare.

Në zgjedhjet e 25 prillit ne presim një nga pjesëmarrjet më të mëdha, për të qenë një referendum për ndryshim cilësor të gjendjes në Shqipëri”, shkruan Kryemadhi.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet