Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Zbulohen qendra ilegale të testimit për Covid-19

Policia italiane njoftoi sot se kishte zbuluar dhjetëra qendra të reja të parregullta të testimit të koronavirusit, disa prej të cilave përdornin kite të papërshtatshme ose nuk arrinin të regjistronin zyrtarisht rastet pozitive.

”Rreth 285 objekte u kontrolluan në një operacion mbarëkombëtar, i cili çoi në 94 raste me parregullsi në 67 qendra”, deklaroi ekipi shëndetësor i NAS-it (policia shkencore) në një deklaratë.

Në 14% të rasteve, qendrat e kontrollit dështuan ose vonuan raportimin tek autoritetet shëndetësore rajonale në lidhje me rezultatet pozitive të testit duke bërë që përpjekjet kombëtare të testimit dhe gjurmimit të dështojnë.

”Rreth 60% e shkeljeve kishin të bënin me mosrespektimin e protokolleve shëndetësore për të përmbajtur epideminë”, shtoi ajo.

Ata përmendën raste të reagentëve të provës Covid-19 dhe përbërësve të tjerë të ruajtur në temperaturë të gabuar ose përdorimin e tyre pas datës së skadencës.

Italia është një nga vendet më të prekura nga pandemia.

Ajo ka regjistruar mbi 1,6 milionë infeksione dhe rreth 55 500 vdekje prej Covid-19.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet