Kryeministri i Kroacisë infektohet me Covid-19, vetëizolohet në banesë

Kryeministri, Andrej Plankoviç ka rezultuar pozitiv me Covid-19.

Sipas mediave të huaja, në një njoftim të bërë nga qeveria, Plankoviçka pasi ka kryer testin dhe ka rezultuar me Covid-19, është vetëizoluar.

“Me rekomandimin e një epidemiologu, Plenkoviç kreu një ri-test për praninë e koronavirusit të hënën dhe rezultati ishte pozitiv.

Kryeministri iu urdhërua më parë një masë epidemiologjike e vetizolimit. Kështu që tani ai do të qëndrojë i izoluar për 10 ditë,” thuhet në njoftim.

Sakaq, bëhet e ditur se Plenkoviç aktualisht ndihet mirë dhe vazhdon të kryejë aktivitetet dhe detyrimet e tij nga shtëpia.