Joe Biden thyen këmbën duke shetitur qenin, ja çfarë i uron Trump

Showbiz
Joe Biden thyen këmbën duke shetitur qenin, ja çfarë i

Presidenti i zgjedhur në Shtetet e Bashkuara, Joe Biden, pësoi fraktura të vogla në këmbë, pasi rrëshqiti ndërsa luante me një prej qenve të tij, dhe mbase do t’i duhet të mbathë një këpucë mbrojtëse për disa javë, raportoi mjeku i tij personal të dielën.

Incidenti ndodhi të shtunën, tha zyra e Bidenit në një deklaratë duke shtuar se presidenti i zgjedhur 78-vjeçar i SHBA-së nga radhët e Partisë Demokratike, bëri një incizim rentgen të dielën.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Mjekët fillimisht menduan se ish-nënpresidenti i SHBA-së, vetëm e kishte shtrembëruar kyçin e këmbës.

"Incizimi konfirmoi fraktura të vogla", tha mjeku personal i Bidenit, Kevin O'Connor në një deklaratë të veçantë të lëshuar nga zyra e Bidenit.

Pasi fitoi ndaj presidentit, Donald Trump në zgjedhjet presidenciale të 3 nëntorit, Biden do të jetë personi më i vjetër që ka marrë ndonjëherë detyrën e presidentit amerikan. Inagurimi i tij pritet të bëhet më 20 janar.

Trump, i cili nuk e ka pranuar humbjen në zgjedhje dhe po konteston rezultatet në gjykatë, i uroi Bidenit shërim të shpejtë.

"Shërim të shpejtë!", tha Trump në një postim në Twitter.

Get well soon! https://t.co/B0seiO84ld

— Donald J. Trump (@realDonaldTrump) November 30, 2020

ME TE LEXUARAT