Merkel: Së bashku do të jemi më të fortë se Covid-19

Bota
Merkel: Së bashku do të jemi më të fortë se Covid-19

Kancelarja Angela Merkel u ka ofruar gjermanëve kurajë, ndërsa vala e dytë e pandemisë së koronavirusit po godet vendin duke çuar në kufizime të reja në jetën publike.

“Ne kemi bërë një rrugë të gjatë”, tha sot liderja gjermane.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

”Shumë gjëra kanë ndodhur që kur koronavirusi filloi të përhapet”, theksoi ajo.

”Në fillim të vitit duhej të merreshim me një virus krejtësisht të panjohur. Sot ne dimë shumë më tepër për mënyrat e infektimit, për mundësitë për të mbrojtur veten, për simptomat dhe opsionet e trajtimit”, shtoi Merkel.

”Vaksinat po zhvillohen në një kohë rekord. Nëse kjo pandemi ka diçka të mirë fare, atëherë është kjo: ajo po tregon për çfarë jemi të aftë ne njerëzit kur vëmë mendjen në punë, kur veprojmë me këmbëngulje dhe kreativitet dhe më e rëndësishmja, kur kalojmë kufijtë dhe kur punojmë së bashku”, ishte mesazhi i kancelares.

”Nuk janë vetëm shkencëtarët që sfidohen. Jo, ne të gjithë mund të bëjmë diçka. Të gjithë mund të bëjnë diçka”, tha kancelarja duke iu referuar rregullave të higjienës të tilla si mbajtja e maskës, mirëmbajtja e distancës sociale ose ajrimi i dhomave.

Merkel u bëri thirrje qytetarëve t’u përmbahen rregullave të sigurisë gjatë periudhës së Krishtlindjeve.

“Sepse së bashku do të jemi më të fortë se virusi”, përfundon kancelarja.

ME TE LEXUARAT