Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Çastet e fundit të Maradonës, zbardhet biseda e mjekut duke kërkuar ndihmë

Vdekja e Diego Armando Maradonës ka marrë vëmendjen e gjithë botës.

Legjenda argjentinase u nda nga jeta më 25 nëntor dhe një ditë më parë u dërgua në banesën e fundit nga familjarët dhe njerëzit e afërm.

Gjatë kësaj periudhe nuk kanë munguar as akuzat, madje avokati Matias Morla u shpreh se autoambulanca ishte vonuar për ndihmën e parë.

Së fundmi gazeta “El Dia” ka publikuar audion ku dëgjohet mjeku i Maradonës, Leopoldi Luque, duke kërkuar ndihmën.

Ajo që vihet re është fakti që ai nuk e ka përmendur në asnjë moment emrin e “El Pibe d’Oro”. Kjo ndoshta për të shmangur daljen e lajmit.

Ai vetë nuk ishte me Maradonën në ato momente. Ai ka telefonuar për ndihmë në orën 12:16 dhe autoambulanca ka mbërritur në vendngjarje në orën 12:28, duke hedhur poshtë edhe pretendimet e avokatit se kishte shkuar me më shumë se gjysmë ore vonesë. “El Dia ka publikuar” komunikimin e plotë të mjekut Leopoldo Luque.

TELEFONATA E MJEKUT

-Përshëndetje, mund të dërgoni një ambulancë në mënyrë urgjente në lagjen San Andres?

-Ku është?

-Tigre.

-Adresa?

-Është një lagje, San Andres. “Calle Italia”. Është një lagje e mbyllur

-Cila pjesë e lagjes?

-Në bllokun 45, le të vijnë dhe të pyesin aty.

-Çfarë ka ndodhur?

-Është një person i cili, nga sa më thonë, është në arrest kardiorespirator. Mjeku po i jep ndihmën e parë.

-Është burrë apo grua?

-Një burrë

-A e dini pak a shumë moshën

-60 vjeç, konkretisht.

-Emri dhe mbiemri juaj?

-Leopoldo Luque

-Do raportoj direkt, OK?

-Perfekt, mirë u pafshim.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet