Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Ndarja nga jeta e ish-trajnerit të Kombëtares, Meta: Privilegj që e njohja!

Presidenti i Republikës Ilir Meta ka reaguar, pas lajmit se ka ndërruar jetë ish trajneri i Partizanit dhe ekipit kombëtar për peshëngritjen Haki Agalliu.

Meta shprehet se lajmi për ndarjen nga jeta të profesor Agalliut është i trishtë, kurse shton se Agalliu ngriti peshëngritjen në nivelet më të larta ndërkombëtare.

Postimi i presidentit Ilir Meta:

Lajmi për ndarjen nga jeta të Prof.Haki Agalliut, është i dhimbshëm për të gjithë ata, të cilët punuan dhe e njohën nga afër përmbi 6 dekada, në shërbim të sportit dhe peshëngritjes në veçanti.

Ai i përket asaj plejade trajnerësh, të cilët e ngritën peshëngritjen tonë në nivelet më të larta ndërkombëtare.

Emrat e shumë kampionëve dhe rekordmenëve lidhen edhe me punën e përkushtimin e Tij të admirueshëm, po kështu edhe shumë arritje në kompeticionet ndërkombëtare.

Ka qenë kënaqësi dhe privilegj ta njihja, por edhe të mësoja prej urtësisë të Tij.

Ngushëllimet më të sinqerta Familjes Agalliu, të gjithë miqve dhe dashamirësve të Tij.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet