Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Trump fal ish-këshilltarin e sigurisë kombëtare i cili mashtroi…

Presidenti i Shteteve të Bashkuara, Donald Trump, ka falur ish-këshilltarin e tij të sigurisë kombëtare, Michael Flynn, i cili është shpallur fajtor se e ka gënjyer Byronë Federale të Hetimeve (FBI).

Presidenti tha se akti i faljes ishte “nderi i madh” i tij, dhe po bëhej në prag të Festës së Krishtlindjeve.

Flynn ishte njëri ndër ish-ndihmësit e presidentit Trump, i dënuar gjatë një hetimi të departamentit të drejtësisë për ndërhyrjen e pretenduar të Rusisë në zgjedhjet amerikane.

Flynn, gjeneral ushtarak i pensionuar, është deklaruar fajtor dy herë se e ka gënjyer FBI-në për bisedat që ka pasur me ambasadorin rus në SHBA, gjatë tranzicionit presidencial në fund të vitit 2016 dhe të fillim të vitit pasues.

Mirëpo ai ka synuar të tërheqë deklaratën e tij, duke thënë se prokurorët i kanë shkelur të drejtat dhe e kanë shtyrë drejt një marrëveshjeje pranimi.

Shtëpia e Bardhë tha të mërkurën se falja më në fund do t’i jepte fund “ndjekjes së pamëshirshme të një njeriu të pafajshëm”.

Deklarata e saj e përshkroi Flynn si “viktimë e zyrtarëve qeveritarë të angazhuar në një përpjekje të bashkërenduar për të përmbysur zgjedhjet e 2016-ës”.

Falja nxiti kritika nga ligjvënësit demokratë, përfshirë kryetaren e Dhomës së Përfaqësuesve, Nancy Pelosi, e cila e quajti atë një “një akt të korrupsionit të rëndë dhe abuzimit të pacipë të pushtetit”.

Kryetari i Komitetit të Drejtësisë të Dhomës, Jerry Nadler, tha se falja ishte “e pamerituar, joparimore dhe një njollë tjetër në trashëgiminë e presidentit Trump”.

Trump e shkarkoi Flynn në shkurt të vitit 2017, por presidenti pretendoi se hetimi ishte një “gjueti shtrigash” politike dhe se Flynn ishte një “njeri i mirë”.

Rusia ka mohuar ndërhyrjen në zgjedhjet amerikane.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet