Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

I vuri zjarrin makinës në Kolonjë, arrestohet autori nga Vora një ditë pas ngjarjes, shkak u bë një kullotë

KOLONJA
Një 35-vjeçar nga Vora është arrestuar për zjarrvënien e një makinë në orët e para të 25 nëntorit në Gërmenj të Kolonjës.

Enver Cubi, ka djegur me lëndë djegëse për motive të dobëta mjetin ”Nissan” të 66-vjeçarit Th.Th.

Ngjarja ndodhi rreth orës 01:30 në Kolonjë teksa tashmë 35-vjeçari akuzohet për ”Shkatërrim i pronës me zjarr, me pasoja të rënda materiale.

Dyshohet se shkak i zjarrvënies ka qenë pikërisht një kullotë që ka çuar në konflikt mes dy personave.

NJOFTIMI NGA POLICIA

Kolonjë

Policia zbardh dhe dokumenton ngjarjen e ndodhur në orët e para të datës 25.11.2020, në fshatin Gërmenj, ku u dogj një automjet.

Arrestohet në flagrancë autori i dyshuar i zjarrvënies së qëllimshme.

Në vijim të punës hetimore intensive për zbardhjen e ngjarjes së ndodhur në datën 25.11.2020, rreth orës 01:30, në fshatin Gërmenj, Kolonjë, ku u gjet i djegur një automjet, falë veprimeve të shpejta dhe profesionale të Policisë, nën koordinim e Prokurorisë të Rrethit Gjyqësor Korçë, u bë e mundur zbardhja dhe dokumentimi i ngjarjes.

Specialistët për Hetimin e Krimeve në Komisariatin e Policisë Kolonjë, në bashkëpunim me specialistët e Seksionit për Hetimin e Krimeve ndaj Personit e Pasurisë në DVP Korçë, arrestuan në flagrancë autorin e dyshuar të ngjarjes, shtetasin E. C., 53 vjeç, banues në Vorë, Tiranë.

Ky shtetas dyshohet se ka djegur me lëndë djegëse, për motive të dobëta, automjetin tip fuoristradë të markës “Nissan”, në pronësi të shtetasit Th. Th., 66 vjeç, banues në Gërmenj, Kolonjë.

Materialet i kaluan Prokurorisë pranë Gjykatës së Shkallës së Parë Korçë, për veprën penale “Shkatërrimi i pronës me zjarr, me pasoja të rënda materiale”.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet