Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

“Ju vrasës të mallkuar”, kaos në Berlin, makina përplaset me rrethimin e zyrës së Merkelit

Një makinë është përplasur me rrethimin e jashtëm të zyrës së kancelares gjermane, Angela Merkel, duke ngjallur menjëherë shqetësim.

Pamje të postuara në mediat sociale e tregojnë makinën të ndaluar tashmë, ndërsa në derën anësore të saj është shkruar me të bardhë:

“Ju vrasës të mallkuar fëmijësh dhe të moshuarish!”

Policia e Berlinit shkroi në Twitter se “kolegët tanë janë në vendngjarje së bashku me policinë federale. Jemi në procesin e sqarimit të situatës. Personi që ishte në timon, tashmë ndodhet nën mbikëqyrjen e forcave të rendit”.

Makina e tipit Volkswagen Sedan ka targa të zonës së Lippe-s, në rajonin verior Vestfali. Si automjeti, ashtu edhe rrethimi i metaltë kanë pësuar vetëm dëme të vogla nga përplasja. Ngjarja ndodhi në kohën kur po zhvillohej një video-konferencë mes kancelares Merkel dhe krerëve të landeve mbi masat e marra kundër pandemisë së koronavirusit.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet