Anija me emigrantë përplaset me shkëmbinjtë, vdesin tetë persona
Të paktën tetë njerëz u vranë pasi një anije që mbarte më shumë se 30 emigrantë u përmbys afër një porti të vogël në ishullin Lanzarote, i cili i përket Ishujve Kanarie.
Është një nga 17 anijet që u kapën në ujërat e Ishujve Kanarie në 24 orët e fundit, raporton AP.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Videot tregojnë ekipet e shpëtimit dhe qytetarët duke tërhequr të rinj me bluza nga uji në errësirë dhe duke shpëtuar migrantë të tjerë që ishin ulur në shkëmbinj.
Rreth 450 njerëz u shpëtuan nga anijet e tjera, por një më vonë vdiq. Shërbimet e urgjencës thanë se tetë trupa ishin gjetur dhe 28 njerëz ishin shpëtuar.
Ata thanë se kërkimi për një person, i cili besohet të jetë zhdukur, vazhdon.
Reuters njoftoi se anija me 35 migrantë nga Magrebi u përmbys ndërsa po shkonte drejt Ishujve Kanarie.
Numri i migrantëve që arritën në Ishujt Kanarie këtë vit arriti në 17 mijë, i cili është edhe dhjetë herë më shumë se i gjithë viti i kaluar, pasi banorët e Afrikës së Veriut humbën të ardhurat e tyre nga turizmi, sepse ata ishin prekur fuqimisht nga pandemia e koronavirusit.
Qeveria Spanjolle premtoi të premten se do të merrte pjesë në ndërtimin e një strehe për migrantët, ndërsa autoritetet lokale bënë thirrje për ndihmë për të akomoduar disa mijëra njerëz që flenë jashtë.