Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

“Venecia”, takime online për Kodin Zgjedhor

Sot dhe nesër ekspertët e Komisionit të Venecias do të diskutojnë me Presidentin e Republikës Ilir Meta dhe përfaqësues të parlamentit e partive politike për reformën zgjedhore.

Takimet do të zhvillohen online për shkak të pandemisë së koronavirusit dhe pjesë e tyre do të jenë edhe ekspertët e ODHIR.

Takimin e parë Venecia dhe ODIHR do ta zhvillojë me presidentin Ilir Meta i cili vuri në lëvizje komisionin për çështjen e reformës zgjedhore. Më pas ekspertët do të takojnë deputetët e shumicës dhe ekspertët e Partisë Demokratike.

Opinion final i komisionit do të publikohet në datën 10 dhjetor. Kryetari i shtetit kërkon nga Venecia të japë mendim për çështjen më të debatuar të reformës zgjedhore, për formulën e koalicioneve me listë të përbashkët kandidatësh.

Gjithashtu presidenti Meta ka kërkuar nga ekspertët një opinion nëse është i pranueshëm ndryshimi i Kodit në mënyrë të njëanshme 6 muaj para zgjedhjeve.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet