Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Akuzat ndaj Bashës për UÇK, Meta: Berisha është më kosovar se kosovarët…

Presidenti i Republikës Ilir Meta i ftuar në emisionin “Log” në “ABC” i cilësoi të turpshme akuzat kundër Lulzim Bashës lidhur me debatin për kasetën e masakrës së Krushës apo “Shtëpinë e Verdhë”.

Sa i përket rezolutës që doli nga Këshilli i Europës, ku kërkohej të hetohej raporti i Dick Marty dhe akuzave të shumicës socialiste kundër Sali Berishës se e votoi, kreu i shtetit Ilir Meta u shpreh se “Berisha është edhe më kosovar se vetë kosovarët, se gjakovar është, dhe kjo është e sigurt”.

“E gjitha më duket shumë e turpshme, në vend që të merremi me pandemi, shpikim tani që qenka Basha që paska fshehur prova, që qenka Basha dhe Berisha, qenkan këta përgjegjës për raportin e Dick Marty që ishte i Serbisë dhe aleatëve të Serbisë. Këto janë gjëra të turpshme.

Berisha është edhe më kosovar se vetë kosovarët, se gjakovar është, dhe kjo është e sigurt, t’i lëmë këto histori janë pa kuptim dhe shije.

Të mos i japim materiale Serbisë, që të thotë se këtë e kanë bërë vetë shqiptarët, se Shqipëria ka një proces zyrtar, se zyrtarisht e dinë cfarë parlamenti është ky e dinë të gjithë shqiptarët, por në botë nuk e dinë.

Kjo është ti japësh municion Serbisë për të goditur Kosovën dhe shqiptarët në tërësi dhe duan të rehabilitojnë Miloshevicin” tha Ilir Meta.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet