Sulm me gurë qendrës shëndetësore/  Manastirliu: E nxitur nga gjuha e urrejtjes që përdoret ndaj bluzave të bardha

Politikë
Sulm me gurë qendrës shëndetësore/  Manastirliu: E

Në lidhje me ngjarjen e rëndë të ndodhur pasditen e sotme në Elbasan, ku u sulmua me gurë një nga Qendra Shëndetësore në këtë qytet, ka ardhur edhe reagimi i ministres së Shëndetësisë dhe Mbrojtjes Sociale, Ogerta Manastirliu.

Përmes një postimi në Facebook ministrja e konsideron këtë ngjarje si të nxitur nga gjuha e urrejtjes.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

"Gurët e hedhur sot mbi qendrën shëndetësore në Lagjen Skënderbej në Elbasan, të cilën vetëm pak muaj më parë e rindërtuam me standardet më të mira pas braktisjes prej 4 dekadash, janë një akt agresioni kundër institucioneve jetëshpëtuese, të frymëzuar prej gjuhës së palogjikshme të urrejtjes, që po përdoret këto kohë kundër bluzave të bardha.

Dënoj me forcë këtë akt të dhunshëm, dhe mbështes me forcë punën e çdo mjeku e infermieri që shërben me përkushtim në këto kohë të vështira, në çdo cep të Shqipërisë.

Bluzat e bardha meritojnë mirënjohjen tonë dhe jo dhunën verbale të kujt ka humbur busullën ka shkruar Manastirliu.

ME TE LEXUARAT