Të shtëna me armë zjarri në Vlorë, 'ngrihet në këmbë' policia

Uniformat blu në Fier dhe Vlorë janë vënë në lëvizje mbrëmjen e sotme nga një telefonatë që ka mbërritur në Policinë e Vlorës rreth orës 20:00 e cila ka raportuar të shtëna me armë zjarri në Novoselë.

Bëhet me dije se patrullat e policisë po kontrollojnë zonën në Bishan dhe Poro, ndërsa nuk janë konstatuar gëzhoja armësh.

Ndërkohë banorët e zonës thonë se janë dëgjuar breshëri automatiku, por ka qenë e vështirë të mësohej drejtimi.