Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Greqia mbyll kufijtë tokësore, si mund të kalohet nga Kakavija drejt shtetit fqinj

Zv. ministri i Mbrojtjes Civile në Greqi Nikos Hardalias ka sqaruar në konferencën e mbajtur pasditen e sotme masat e marra nga shteti fqinj për mbylljen e kufijve.

Ai theksoi se hyrja nga kufiri tokësor do të lejohet vetëm për shtetasit grekë ose ata që kanë leje qëndrimi në vend nga ora 7 në mëngjes deri në 23:00 të mbrëmjes.

“Të dhënat e ditëve të fundit tregojnë se situata epidemiologjike nuk është përmirësuar”, deklaroi ai duke listuar pikat hyrëse në Greqi dhe kushtet që duhet të plotësojnë qytetarët, raporton abcnews.al

1) Vetëm Grekët dhe shtetasit e Bashkimit Europian lejohen të kalojnë nga Promachonas , nga ora 7 e mëngjesit deri në 11 të mbrëmjes. Kalimet tranzit lejohen 24 orë.

2) Nga Kakavija lejohet vetëm për shtetasit grekë ose me leje qëndrimi në vend, nga 7 e mëngjesit deri në 11 të mbrëmjes. Ata që hyjnë nga Kakavija do të hyjnë në një karantinë 7-ditore, në zonën që ata kanë deklaruar në PLF e tyre.

3) Nga Evzoni dhe Kipi do të lejohen vetëm për shtetasit grekë ose me leje qëndrimi në vend, nga 7 në 11 të natës.

4) Nga Nymfaio, Ormenio dhe Exochi do të lejohen vetëm për transporte, 24 orë në ditë dhe vetëm me drejtuesin e automjetit.

5) Krystalopigi është mbyllur tashmë nga sot.

Të gjithë personat që do të hyjnë në Greqi do t’i nënshtrohen një testi të shpejtë nga ekipet e EODY, ndërsa shoferëve të kamionëve do t’i merren monstra.

“Bazuar në të dhënat e javës tjetër, ne do të fillojmë heqjen graduale të bllokimit.

Qëllimi është të shkojmë në një hapje graduale. Por do të duhet të presim për të dhënat e javës së ardhshme, ama nuk duhet të bëjmë një hap prapa .

Nuk ka asnjë tregues ose provë të infeksioneve të larta në supermarkete ose shkolla.

Inspektimet vazhdojnë të bëhen dhe ne kemi bërë ndërhyrje”, u shpreh Hardalias.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet