Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Avokati i Popullit raport për shembjen e Teatrit Kombëtar: Të nisë hetimi disiplinor për çdo efektiv që shkeli ligjin

Avokati i Popullit, me anë të një postimi në “Facebook” shkruan se ka përgatitur një raport, në lidhje me shembjen e Teatrit Kombëtar.

AP thekson se duhet që të nisë hetimi disiplinor për çdo efektiv që shkeli ligjin. Avokati i Popullit shton se policia cënoi të drejtën e informimit.

Postimi i Avokatit të Popullit:

AVOKATI I POPULLIT PUBLIKON KONKLUZIONET E REKOMANDIMEVE MBI SJELLJEN E POLICISË SË SHTETIT GJATË SHKATËRRIMIT TË TEATRIT KOMBËTAR

Avokati i Popullit pasi ka shqyrtuar sjelljen e organeve të Rendit gjatë ndërhyrjeve të kësaj të fundit më 17.05.2020 në operacionin për shkatërrimin e godinës së Teatrit Kombëtar, ka përpiluar një përmbledhje me rekomandime mbi sjelljen e Policisë së Shtetit.

Nisur nga konstatimet e kryera gjatë hetimit administrativ të nisur nga Avokati i Popullit, u është kërkuar autoriteteve më të rëndësishme ligjzbatuese në vend si Ministrisë së Brendshme, Policisë së Shtetit dhe Prokurorisë së përgjithshme që të ndërmarrin një sërë masash administrative dhe ligjore për të ndëshkuar një seri sjelljesh individuale apo të organizuara që u vërejtën në veprimtarinë e Policisë së Shtetit gjatë operacionit për shkatërrimin e Teatrit Kombëtar.

Institucioni i Avokatit të Popullit mbetet i dedikuar për të ushtruar me paanësi dhe profesionalizëm punën e tij si një monitorues i mënyrës sesi autoritetet shtetërore zbatojnë ligjet e vendit tonë, pa i tejkaluar ato, pa e tepruar në dëm të qytetarëve e në respekt të të drejtave të këtyre të fundit.

Dokumenti

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet