Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Vrau Ahmet Toskën në sy të gruas, autori i dyshuar kokëulur e me maskë, mbërrin në Gjykatën e Fierit

Mbërrin në Gjykatën e Fierit, Fatmir Hoxhaj, autori i dyshuar i vrasjes së 50-vjeçarit Ahmet Toska në Fier, mëngjesin e 26 tetorit, ndërsa përcillte për në punë bashkëshorten.

Hoxhaj shfaqet kokëulur teksa ngjit shkallët e gjykatës, ndërsa mban edhe maskën.

Edhe pse nuk dihen ende shkaqet pse Hoxhaj mund ta ketë qëlluar personin në fjalë, prokuroria ka mbledhur prova të mjaftueshme për të dërguar për gjykim Hoxhajn.

Kujtojmë që autori i dyshuar, Fatmir Hoxhaj i cili qëlloi për vdekje shtetasin Ahmet Toska më 26 tetor është po nga lagjja “Sheq i Madh” në Fier por distanca nga shtëpitë e tyre është rreth 3 kilometra.

Në momentin kur ka qëlluar autori ka qenë i veshur sportiv me kapuç dhe me maskë Covidi. Autori ka ardhur nga mbrapa dhe e ka qëlluar dy herë Ahmet Toskën dhe është larguar pa thënë ndonjë fjalë.

Mësohet se banesa e autorit ishte e braktisur, e pa pastruar dhe dera e mbyllur. Jetonte prej vitesh në Itali bashkë me familjen. Në lagje pak e njohin mirë, por e përshkruajnë si njeri të qetë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet